TIRANË: U ARRESTUA GENTI BEQIRI (I NJOHUR EDHE SI EDUART PANO) | ISHTE I SHPALLUR NË KËRKIM POLICOR NDËRKOMBËTAR NGA GJYKATA E APELIT E NAPOLIT (ITALI) I AKUZUAR PËR NJË SËRË VEPRASH PENALE.

Tiranë, Shqipëri | Strukturat vendore të Policisë së Shtetit arrestuan;

1- Z. Genti Beqiri (i njohur edhe si Eduart Pano), me moshë 45 vjeç, banues në Tiranë.

Ai ishte i shpallur në kërkim policor ndërkombëtar nga Gjykata e Apelit e Napolit/Itali i akuzuar për një sërë veprash penale.

Njoftim | Vijojnë operacionet e njëpasnjëshme për kapjen e personave në kërkim ndërkombëtar.

Finalizohet nga Drejtoria e Forcës së Posaçme Operacionale, operacioni policor i koduar “Operacionalja 37”.

I kërkuar në Itali për "Grup Kriminal", "Trafikim narkotikësh" dhe "Falsifikim dokumentash" kapet në Tiranë, 45-vjeçari nga Tirana.

Drejtoria e Forcës së Posaçme Operacionale, në vijim të operacioneve të njëpasnjëshme për kapjen e personave në kërkim ndërkombëtar, bazuar në inteligjencën policore dhe bashkëpunimit të FAST ALBANIA me Rrjetin Evropian (ENFAST),ka organizuar dhe finalizuar operacionin policor të koduar “Operacionalja 37”.

Në kuadër të operacionit, në qytetin e Tiranës, nga ana e Drejtorisë së Forcës së Posaçme Operacionale në Departamentin e Policisë Kriminale u bë lokalizimi, identifikimi dhe arrestimi me qëllim ekstradimi i shtetasit G. B, alias E. P, 45 vjeç, banues në Tiranë.

Gjykata e Apelit Napoli/Itali, ka lëshuar Urdhër-Arrestin ndaj këtij shtetasi për veprat penale “Grup kriminal”, “Trafikim lëndësh narkotike” dhe “Falsifikim Dokumentash”, parashikuar nga legjislacioni penal Italian.

Interpol Tirana vijon bashkëpunimin me Interpol Romën, për të finalizuar procedurën për ekstradimin e 45-vjeçarit në Itali.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit