TRE AUTOBUSË TË LINJËS SË “ISH-UZINËS SË AUTOTRAKTORËVE” U PËRFSHINË NGA FLAKËT NË ORËT E PARA TË MËNGJESIT NË ZONËN E SHKOZËS | MISTER SHKAQET E ZJARRIT.

Tiranë, Shqipëri | Tre autobusë të linjës së “Ish-uzinës së Autotraktorëve” u përfshinë nga flakët në orët e para të mëngjesit në zonën e Shkozës.

Në momentin e ngjarjes, autobusët kanë qenë të parkuar. Dëmet materiale janë të mëdha pasi ata pothuajse janë shkrumbuar.

Njoftim | Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera (autobusë linje).

Grupi hetimor po punon për sqarimin e plotë të rrethanave të shkakut të rënies së zjarrit, thuhet në njoftimin e Policisë së Shtetit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit