“TROJANI BANKAR” | PSE BRAZILI ËSHTË NJË PIKË E NXEHTË PËR KRIMIN FINANCIAR?

Nga gazeta The Economist. Brazilia, Brazil | Brazilianët kanë qenë prej kohësh adoptues të hershëm të fintech. Në vitin 2017, një firmë kontabiliteti, zbuloi se dy të pestat e brazilianëve përdornin rregullisht bankingun online, një nga normat më të larta në mbarë botën.

Në vitin 2020, 44% e klientëve kishin një llogari vetëm dixhitale, krahasuar me më pak se 20% në Shtetet e Bashkuara dhe Kanada, sipas një sondazhi nga Accenture, një firmë konsulence.

Atë vit banka qendrore lëshoi Pix, një platformë pagesash të menjëhershme. Ka qenë jashtëzakonisht e suksesshëme. Sot ajo ka 3 miliardë transaksione në muaj. Kjo është pesë herë më shumë se transaksionet me karta debiti dhe krediti së bashku.

Kjo ka tërhequr kriminelët kibernetikë. Arma e tyre kryesore ka qenë “Trojani Bankar”, një program që vjedh informacionin e llogarisë së përdoruesve.

Sipas Kaspersky Lab, një firmë e sigurisë kibernetike, Brazili është vendi kryesor për sulmet nga “Trojanët Bankarë”, me 1.8 milionë tentativa për infeksione, nga qershori 2022 deri në korrik 2023 (të dhënat më të fundit të disponueshme).

Globalisht, tetë nga 13 llojet më të njohura të “Trojanëve Bankarë” prodhohen në Brazil. Kriminelët kibernetikë fillimisht u përqendruan te trojanët pasi ata kërkojnë pak aftësi për t'u përdorur.

Megjithatë, ndërsa bankat zhvilluan mbrojtje më të mirë, kriminelët u detyruan të degëzoheshin në sulme më komplekse dhe fitimprurëse.

Bota e krimit e Brazilit ka zhvilluar malware-in më të avancuar të “pikës së shitjes”, të cilin, mashtruesit e përdorin për të pastruar detajet e bankës nga lexuesit e kartave, sipas Kaspersky Lab.

I njohur si “Prilex”, ky aplikacion mund të bllokojë pagesat pa kontakt duke ndaluar lidhjen me rreze të shkurtër midis një karte krediti dhe terminalit të pagesave.

Terminali thotë: “Gabim. Ju lutemi futni kartën”. Kur një klient fut kartën dhe pinin e saj, malware përdor kredencialet për të autorizuar një transaksion mashtrues. Gjatë karnavalit të Rios, në vitin 2016, një haker përdori një version bazë të këtij softueri, për të marrë para nga distanca nga mbi 1000 atm.

Një shembull tjetër është ransomware, të cilin, bandat kriminale e përdorin për të përzier kompjuterët, dhe për të kërkuar para për t'i rivendosur ato. Në tetor të vitit të kaluar, ligjvënësit e Brazilit u takuan për të diskutuar përdorimin në rritje të inteligjencës artificiale, edhe në krimin kibernetik.

Humbjet financiare janë të mëdha. Sipas Andre Fleury nga Accenture, Brazili është në pesë vendet e para për koston e krimit kibernetik. Ai vlerëson se shifra është rreth 20 miliardë dollarë në vit.

Kjo është ekuivalenti me 0.9% të Prodhimit të Brendshëm Bruto (PBB). Megjithatë, ka njëfarë shprese. Në vitin 2022 hyri në fuqi një ligj i fuqishëm për mbrojtjen e të dhënave personale, duke i detyruar kompanitë të mbrojnë të dhënat e konsumatorëve.

Në vitin 2023, bankat e Brazilit shpenzuan 9 miliardë dollarë për sigurinë kibernetike, gati dyfishi i shumës së shpenëzuar në vitin 2019, sipas Federatës Braziliane të Bankave. Problemi më i madh janë klientët naivë, që bien pas mashtrimeve, thotë z. Eduardo Mônaco, i ClearSale, një kompani braziliane e menaxhimit të mashtrimit.

Derisa të njohin plotësisht rreziqet, do të ketë shumë më tepër peshkim (phish) në detin e parave online.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit