U ARRESTUA ARTUR ZOTKA (VËLLAI I KRYEBASHKIAKUT TË POLIÇANIT) I CILI ËSHTË I DËNUAR ME 1.4 VJET BURG PËR VEPRËN PENALE “PRODHIMI DHE SHITJA E NARKOTIKËVE”.

Berat, Shqipëri | Strukturat vendore të Policisë së Shtetit arrestuan:

1- Z. Artur Zotka (vëllai i kryebashkiakut të Poliçanit), i cili është i dënuar me 1.4 vjet heqje lirie për veprën penale “Prodhimi dhe shitja e narkotikëve”.

Kumtohet se në muajin shtator të vitit 2015, gjatë operacionit “Pronoviku”, në banesën e tij janë gjetur dhe sekuestruar 9 kilogramë hashash (cannabis sativa).

Njoftim | Specialistët për Hetimin e Narkotikëve, ndaluan shtetasin A. Z., 55 vjeç, banues në Poliçan.

Gjykata e Beratit, me vendimin e datës 13.03.2017, e ka dënuar këtë shtetas, me 1 vit e 4 muaj burgim, për veprën penale “Prodhimi dhe shitja e narkotikëve”, pasi në muajin shtator 2015, gjatë operacionit “Pronoviku”, në banesën e këtij shtetasi janë gjetur dhe sekuestruar 9 kilogramë cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit