U EKSTRADUA NGA ABU DHABI ARJAN MALKO (I NJOHUR NDRYSHE EDHE SI ERJON MALKO OSE ERJON FEJZULLA) | I SHPALLUR NË KËRKIM POLICOR NDËRKOMBËTAR NGA INTERPOL ROMA PËR TRAFIK DROGE.

Tiranë, Shqipëri | Autoritetet shqiptare të hetimit penal ekstraduan nga Abu Dhabi z. Arjan Malko (i njohur ndryshe edhe si Erjon Malko ose Erjon Fejzulla).

Ai ishte shpallur në kërkim nga ndërkombëtar nga Interpol Roma për trafikim të lëndëve narkotike.

Njoftim | Finalizohet një tjetër operacion për sjelljen në Shqipëri të një shtetasi të kërkuar ndërkombëtarisht.

Sot më datën 21.08.2024, në kuadër të operacionit të koduar “Para drejtësisë”,  nga strukturat e specializuara dhe Forca e Posaçme Operacionale në Departamentin e Policisë Kriminale është realizuar operacioni policor për sjelljen nga Abu Dhabi në Shqipëri e shtetasit në kërkim ndërkombëtar; Arjan Malko, alias Erjon Malko, alias Erjon Fejzulla.

Ky person është shpallur në kërkim ndërkombëtar nga Interpol Roma, pasi Gjykata e Hetimeve të Torinos, Itali ka lëshuar për këtë shtetas masën e sigurisë personale  urdhër “Arrest në burg” më dt.11.04.2024, për veprën penale “Trafikim i lëndëve narkotike”, kryer në bashkëpunim, parashikuar nga legjislacioni penal italian, i cili parashikon maksimumin e dënimit me 20 vjet, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit