U PARAQIT PROJEKTI MES KILIT DHE GOOGLE PËR KABLLON E PARË OPTIOKE NËNDETËSE MIDIS AMERIKËS SË JUGUT DHE AZISË.

Santiago, Kili | Presidenti i Kilit, Gabriel Boriç, prezantoi projektin Humboldt Cable, kabllon e parë me fibër optike nënujore midis Amerikës së Jugut, Azisë dhe Oqeanisë.

Kjo është bërë e ditur në një deklaratë nga qeveria e Kilit.

“Kjo kabllo konsolidon pozicionin e Kilit si qendra e aktivitetit dixhital në Amerikën e Jugut, duke hapur mundësi për industri të reja, vende pune, dhe kushte të përmirësuara pune dhe jetese për mijëra njerëz”, tha presidenti Boriç.

“Ky është një bashkëpunim publik-privat ndërmjet Shtetit të Kilit, përmes kompanisë publike Desarrollo Pais dhe kompanisë Google, i cili, do të gjenerojë lidhje të drejtpërdrejtë midis Amerikës së Jugut dhe Azi-Paqësorit, do të rrisë qëndrueshmërinë e rrjeteve ndërkombëtare të telekomunikacionit që lidhin Kilin me botën, dhe do të konsolidojë kilin si një qendër dixhitale, si dhe tërheqjen e investimeve të reja në ekonominë dixhitale”, thuhet në shënim.

Kablloja Humboldt do të lidhë komunën kiliane të Valparaíso me Sidnein e Australisë, me një gjatësi prej gati 14800 kilometrash.

“Me këtë projekt, Kili bëhet porta për të dhënat nga Paqësori në kontinent: të dhënat nga Azia dhe Oqeania do të kalojnë më shpejt, me më pak vonesë, dhe me autonomi më të madhe, duke lejuar zhvillimin e mjeteve të teknologjisë së lartë, si sistemet industriale të menaxhuara nga distanca”, shkruhet në dokument.

Presidenti kilian Boriç deklaroi se: “me këtë dhe iniciativa të tjera ne vazhdojmë të promovojmë fuqishëm investimet, rritjen dhe punësimin, dhe se Kili ka të gjitha kushtet për të arritur një zhvillim të drejtë dhe të qëndrueshëm, që u jep qetësi dhe mirëqenie të gjithë banorëve të fshatit.”

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit