UDHËHEQËSI NACIONALIST SERB I BOSNJËS MILORAD DODIK U KËTHYE NË BOSNJË NGA SERBIA PA PROBLEME PAVARËSISHT URDHRIT TË ARRESTIT QË ËSHTË SHQIPTUAR NDAJ TIJ | ASKUSH NUK PO E ARRESTON.

Sarajevë, Bosnje Hercegovinë | Udhëheqësi nacionalist serb i Bosnjës, Milorad Dodik, ndaj të cilit ka një urdhër arresti të lëshuar nga një gjykatë e Sarajevës për cenim të rendit kushtetues, ka kaluar sërish kufirin sot pa asnjë problem për t'u kthyer në Bosnje dhe Hercegovinë, pasi mori pjesë në demonstratën e madhe në Beograd, mbrëmë, në mbështetje të presidentit serb Aleksandar Vuçiç.

“U ktheva në shtëpi në fshatin tim. Shihemi pasdite”, shkroi z. Dodik në rrjetin social virtual Iks (X), i cili, tashmë kishte kaluar kufirin me Serbinë dje në mëngjes pa asnjë vështirësi apo vëzhgim nga policia kufitare.

Duke folur mbrëmjen e djeshme me dhjetëra mijëra protestues të mbledhur në esplanadën para Parlamentit në Beograd, z. Dodik përsëriti mbështetjen e tij të plotë për presidentin Vuçiqç, duke dënuar lëvizjen studentore që ka qenë duke u bllokuar nga nëntori.

“Kjo është arsyeja pse Republika Srpska qëndron pranë presidentit Vuçiç, i cili, duhet të forcohet më tej, sepse nuk ka asnjë udhëheqës tjetër që mund ta bëjë Serbinë më të fortë dhe ta bëjë atë të përparojë më tej”, i tha ai turmës në Beograd.

“Serbia - shtoi ai - nuk duhet ta lejojë veten të humbasë në rrugë, por duhet të fitojë në zgjedhje”.

Republika Srpska është entiteti me shumicë serbe në Bosnje dhe Hercegovinë, president i së cilës është z. Dodik.

Më 17 mars, gjykata e Sarajevës, me kërkesë të Prokurorisë së Shtetit të Bosnjë-Hercegovinës, lëshoi ​​një urdhër arresti për z. Dodik, kryeministrin e Republikës Srpska Radovan Viskoviç dhe kryetarin e Parlamentit të entitetit Nenad Stevandiç, për dështimin e tyre për t'iu përgjigjur ftesës kushtetuese të prokurorisë së Bosnja-Hercegovinës për shkak të aktivitetit të tyre në rritje separatist.

Por deri më tani urdhri i arrestit nuk është ekzekutuar, edhe pse z. Dodik dhe z. Stevandiç kanë kaluar vazhdimisht kufirin në Serbi (z. Dodik edhe në Izrael).

Për këtë arsye, drejtësia e Bosnjës kishte lëshuar një urdhër-arrest të ri ndërkombëtar, një kërkesë që megjithatë nuk u pranua nga Interpoli, në përputhje me statutin e organizatës, i cili, ndalon urdhërarrestet kur supozohet se kanë konotacion politik, racor dhe fetar.

Ekziston frika e përhapur për protesta dhe trazira të mundshme masive nga popullata serbe e Bosnjës në rast të arrestimit të udhëheqësve të Republikës Srpska.

Presidenti serb Vuçiç ka thënë vazhdimisht se arrestimi i z. Dodik do të kishte pasoja katastrofike për situatën e sigurisë dhe stabilitetit në Bosnje-Hercegovinë.

Gjermania dhe Austria - duke denoncuar sulmet e përsëritura ndaj integritetit territorial dhe rendit kushtetues të Bosnjë-Hercegovinës - kanë vendosur sanksione ndaj z. Dodik dhe dy udhëheqësve të tjerë serbë të Bosnjës, duke i ndaluar hyrjen në të dy vendet.

Një aktivitet, kanë theksuar Berlini dhe Vjena, i cili, kërcënon stabilitetin e vendit dhe të gjithë rajonit, duke vënë në rrezik perspektivën e integrimit evropian të Bosnjë-Hercegovinës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit