USHQIMI KUNDËR KANCERIT QË UL KOLESTEROLIN DHE MBRON NGA DEMENCA.

Pulje, Itali | Ai mbron nga kanceri, ul kolesterolin, parandalon demencën dhe kontribuon në humbjen e peshës! Patëllxhani është një thesar i vërtetë për shëndetin tonë. Patëllxhani ka një efekt antioksidues për shkak të përmbajtjes së tij të antocianinës (në lëkurë), të cilat mbrojnë qelizat e trurit nga veprimi oksidativ i radikalëve të lirë. Është gjithashtu i lartë në fibra, kalium, vitaminë C dhe vitaminë B6. Një porcion me patëllxhanë siguron 10% të nevojave ditore për fibra, 5% në kalium, 3% në vitaminë C, 5% në vitaminë B6, 1% në hekur dhe 2% në magnez. Polifenolet që përmbahen në “lëkurën” e patëllxhanit tregojnë veti të rëndësishme antikancerogjene, pasi parandalojnë rritjen e tumoreve dhe përhapjen e qelizave kancerogjene. Analizat laboratorike të përbërjeve fenolike në patëllxhan zbulojnë, në fakt, se perimet përmbajnë sasi të konsiderueshme të acidit klorogjenik, i cili shërben si një agjent antimikrobik, antiviral dhe antikancerogjen. Përveç kësaj, acidi klorogjenik që përmban patëllxhani është përgjegjës për nivelet e ulëta të kolesterolit LDL në gjak. Së fundi, uji i patëllxhanit (ai që mbetet pas zierjes), i cili është i pasur me flavonoide dhe acid klorogjenik, është jashtëzakonisht i dobishëm. Megjithatë, shumë nuk janë të vetëdijshëm për vetitë e tij shëruese. Një pjesë e përfitimeve të tij shpjegohen me vetitë diuretike dhe pastruese të patëllxhanit, të cilat kontribuojnë në eliminimin e substancave të mbeturinave nga trupi, duke nxitur humbjen e peshës. Prandaj ia vlen të fusim në dietën tonë këtë perime unike, patëllxhanin, i cili edhe pse i keqkuptuar në fillim, është kaq i pasur me antioksidantë dhe lëndë ushqyese të tjera, dhe aq i dobishëm për shëndetin tonë të përgjithshëm. Edhe pse është i lidhur ngushtë me pataten, dhe rritet njësoj si domatja, ai përmban përqendrimin më të lartë të nasuninës, kalciumit dhe kaliumit, duke fituar me meritë titullin “mbretëresha e perimeve”. Nga z. Erton Duka.

© Copyright | Agjencia Telegrafike Vox