___.png)
Uashington, Amerikë | Peris Xhekson (Paris Jackson) detajon rikuperimin nga varësia nga heroina dhe alkooli, ndërsa feston gjithashtu pesë-vjetorin e maturisë.
Vajza e yllit të ndjerë të popit, Majkll Xhekson (Michael Jackson) ka zbuluar, pasi ka njoftuar se ka mbushur pesë vjet maturi, se është duke u shëruar nga varësia nga heroina dhe alkooli.
“Ajo bëri një postim të sinqertë në Instagram me një video dhe e përshkroi veten si një alkoolike dhe e varur nga droga, ndërsa shprehu mirënjohjen e saj për daljen nga ato varësi”, raportoi revista People.
“Sot shënohen pesë vjet të pastër dhe të matur nga çdo drogë dhe alkool, të thuash se jam mirënjohëes do të ishte një eufemizëm i dobët”, tha ajo.
“Mirënjohja vështirë se gërvisht sipërfaqen. Për shkak se jam esëll, më vjen të buzëqesh sot. Mund të bëj muzikë. Unë mund të përjetoj gëzimin e dashurisë për qentë dhe macen time. Më vjen të ndiej zemërthyerja në gjithë lavdinë e saj. Më vjen keq. Më vjen për të qeshur. Arrij të kërcej. Unë mund të besoj”.
Videoklipi fillon me pamjet e saj duke pirë alkool, duke ndenjur dhe duke qarë, duke kaluar në skena më të gëzueshme, të tilla si kërcimi me miqtë, dhe më pas shton një mesazh falënderimi.
“E ndjej diellin në lëkurën time dhe është i ngrohtë. Kam zbuluar se jeta vazhdon të ndodhë pavarësisht nëse jam esëll apo jo, por sot mund të paraqitem për të”, shtoi ajo.
Halla e saj, La Toya Jackson, një motër më e madhe e Majkëll Xheksonit (Michael Jackson) postoi duke thënë: “Urime, Paris. Jam shumë, shumë krenare për ju dhe rritjen, forcën dhe arritjet tuaja”.
Ajo vlerësoi përpjekjet e mbesës së saj për të ndihmuar të tjerët që po e kalojnë këtë dhe i dërgoi dashuri Parisit.
Këngëtari Majkll Xhekson (Michael Jackson) vdiq në Los Anxhelos në vitin 2009. Pas vdekjes së tij, gjykatësi i qarkut të Los Anxhelosit e konsideroi atë si vrasje dhe deklaroi se ai vdiq nga dehja akute me propofol.
Propofol është një anestetik dhe qetësues që zakonisht administrohet në mënyrë intravenoze gjatë procedurave mjekësore në një mjedis klinik, por ai e përdorte atë në shtëpi për ta ndihmuar atë të flinte.
Një sërë ilaçesh të tjera të fuqishme me recetë u gjetën në sistemin e tij kur ai vdiq.
Në kohën e vdekjes së babait të saj, Peris Xhekson (Paris Jackson) ishte 11 vjeç, ndërsa vëllezërit e saj Princi Xhekson (Jackson) dhe Bigi (i njohur më parë si Blanket) Xhekson (Jackson) ishin përkatësisht 12 dhe shtatë vjeç.
Në një intervistë të vitit 2021 me modelen britanike Naomi Campbell, ajo foli për ndikimin e babait të saj në jetën e saj, duke thënë: “Babai im ishte shumë i mirë për t'u siguruar që ne të ishim të kulturuar, duke u siguruar që ne ishim të arsimuar dhe jo vetëm të na tregonte, si p.sh. shkëlqimin dhe glamin - si udhëtimi në hotel, vende me pesë yje”.
Ajo publikoi albumin e saj debutues në studio “Wilted” në vitin 2020, e quajti veten një adhuruese e muzikës së tij duke shtuar: “Ndjej se çdo pjesë e fëmijërisë sime do të ndikojë gjithmonë në mënyrën se si jam sot, pavarësisht nëse janë përvojat apo e gjithë muzika që ne dëgjonim… Ai e donte muzikën klasike, xhazin dhe hip-hop dhe R&B dhe, padyshim, gjërat e Motown, por edhe Top 40 të radios. Ai e donte muzikën rock, soft rock, Beatles”.
Mjeku personal i yllit të ndjerë të popit, ish-kardiologu Konrad Mjurei (Conrad Murray) kreu dy vjet burg pasi u shpall fajtor për vrasje të pavullnetshme në vdekjen e Majkll Xheksonit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments