VARESE; ITALI | AUTORITETET ARRESTUAN NJË 21-VJEÇAR ME ORIGJINË NGA AFRIKA E VERIUT I AKUZUAR SE KISHTE RRAHUR DHE PËRDHUNUAR NJË VAJZË 14-VJEÇARE QË KISHTE TAKUAR NË RRJETET SOCIALE VIRTUALE.

Vendi ku ka ndodhur akti kriminal në Busto Arsizio.

Varese, Itali | Strukturat vendore të hetimit penal arrestuan:

1- Një 21-vjeçar me origjinë nga Afrika e Veriut, i akuzuar se kishte rrahur dhe përdhunuar një vajzë 14-vjeçare që kishte takuar në rrjetet sociale virtuale.

Britmat e vajzës u dëgjuan nga një banor i cili lajmëroi 112 dhe kur patrulla e policisë lokale mbërriti në vendngjarje, në një zonë të braktisur pas stacionit të trenit, 21-vjeçari - tashmë në burg në pritje të marrjes në pyetje për të vërtetuar krimin - ishte ende duke ushtruar dhunë ndaj viktimës.

Në spital, mjekët i dhanë 14-vjeçares, shtetase peruane, një prognozë 50-ditore.

21-vjeçari kishte qenë miqësor në internet dhe 14-vjeçarja kishte pranuar ta takonte personalisht.

Takimi ishte dje pasdite. Së bashku kanë dalë për shëtitje dhe më pas i riu e ka çuar në një zonë të braktisur, në Via Verçeli (Vercelli). Aty filloi abuzimi.

I arrestuari, banues në Roxano (Rozzano), në provincën e Milanos, ka vijuar të jetë agresiv edhe me efektivët e mbërritur në vendngjarje dhe është dërguar në burg në dispozicion të gjyqtarit hetues.

“Dënim maksimal për 21-vjeçaren me origjinë afrikano-veriore të arrestuar në Busto Arsizio për sulm të rëndë seksual ndaj një vajze 14-vjeçare, të joshur në internet.

Është koha për t'i dhënë fund feminizmit të majtë të rremë dhe për të trajtuar problemin e një trashëgimie kulturore që nuk i përket Perëndimit.

A ka mbetur kush të flasë për të”, pyeti në një shënim deputetja Laura Ravetto, drejtuese e departamentit të Shanseve të Barabarta e subjektit politik “Lega” (Lidhja).

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit