___.png)
Oklahoma, Amerikë | Artisti Tito Xheksoun (Jackson), vëllai i Majkëll dhe Xhenet Xheksoun dhe anëtari themelues i Jackson 5, ka vdekur në moshën 70-vjeçare.
Z. Stiv Mining (Steve Manning), menaxher dhe mik i vjetër i familjes Xheksoun (Jackson), njoftoi në Entertainment Tonight se Titua vdiq të dielën ndërsa po udhëtonte nga Meksikua i Ri (New Mexico) në Oklahoma.
Djemtë e Titos, Taj, Taryll dhe TJ, të cilët janë pjesë e grupit R&B 3T, konfirmuan vdekjen e babait të tyre në rrjetet sociale.
“Është me zemër të rëndë që ne njoftojmë se babai ynë i dashur, i emëruari në Hall of Fame Rock & Roll, Tito Jackson, nuk është më me ne. Jemi të tronditur, të pikëlluar dhe të thyer.
Babai ynë ishte një njeri i jashtëzakonshëm që kujdesej për të gjithë dhe disa prej jush mund ta njohin atë si Tito Jackson i Jackson 5 legjendar, të tjerët si Trajneri Tito ose si Poppa T.
Në çdo rast, atij do t'i mungojë shumë. Për ne do të jetë përgjithmonë Tito Time.
Ju lutem mos harroni të bëni atë që babai ynë gjithmonë predikonte, që ishte: Duajeni njëri-tjetrin”.
Një anëtar i asaj që është ndoshta familja muzikore më e famshme në historinë amerikane, Tito, me vëllezërit Xheki (Jackie), Xhermein (Jermaine), Marlon dhe Majkll (Michael), ishte pjesë e formacioni origjinal i The Jackson 5, i cili arriti sukses ndërkombëtar në fund të viteve 1960 dhe në fillim të viteve 1970, me katër hite radhazi në krye të klasifikimeve.
Ato ishin:
1- I Want You Back,
2- ABC.
3- The Love You Sav.
4- I'll Be There.
Tito më vonë do të vazhdonte karrierën e tij solo.
Pas vdekjes së vëllait të tij Majkll, më 25 qershor 2009, ai regjistroi vokalin mbështetës me vëllezërit e tij për këngën e parë pas vdekjes, This Is It.
Midis viteve 2009 dhe 2010 ai ishte producent ekzekutiv dhe mori pjesë në reality show The Jacksons: Dinastia Familjare; ndërmjet viteve 2015 dhe 2016 ai u kthye për të performuar në koncerte të ndryshme me Jackie, Jermaine dhe Marlon, formacioni i ri i Jacksons.
Trashëgimia e tij muzikore u mor nga fëmijët e tij, të cilët formuan grupin R&B 3T.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments