WE WORLD INDEX ITALIA 2025: NOTË TË DOBËT KALUESE PËR ITALINË PËR GJENDJEN E GRAVE DHE TË FËMIJËVE | MË SHUMË SE 1 NË 4 FËMIJË JANË NË RREZIK TË VARFËRISË METERIALE OSE PËRJASHTIMIT SOCIAL.

Romë, Itali | Në Itali, më shumë se 1 në 4 gra (28.3%) dhe 1 në 4 të mitur (29.9%) jetojnë në rajone me akses të dobët në të drejtat themelore.

Gratë shënuan performancën më të keqe (42.4 nga 100), duke u konfirmuar si grupi social më i cenueshëm dhe i ekspozuar ndaj margjinalizimit dhe shkeljes së të drejtave të njeriut.

Më të penalizuarat janë gratë me fëmijë në Italinë e Jugut, me një normë punësimi që nuk kalon 69.5% krahasuar me atë të grave pa fëmijë.

Flamuri i zi për Sicilinë, ku përqindja bie në 61%.

Kjo është ajo që del nga edicioni i katërt i WeWorld Index Italia 2025, i cili, analizon kushtet e grave, vajzave, djemve dhe të rinjve dhe i jep Italisë vetëm një notë të dobët kaluese.

Gratë shënuan performancën më të keqe (42.4 nga 100), duke u konfirmuar si grupi social më i cenueshëm.

Të dhënat nga WeWorld Index Italy 2025 konfirmojnë gjithashtu hendekun e thellë midis Veriut dhe Jugut.

Rajonet jugore janë më të mangët në zbatimin e të drejtave themelore, si arsimi dhe shëndetësia, por edhe për sa i përket kushteve ekonomike dhe pjesëmarrjes së grave në politikë.

Nënat në jug janë më të prekurat, jo vetëm për shkak të mundësive të ulëta të punësimit.

Mbulimi i shërbimeve sociale dhe arsimore është ngecur në 17.3% (kundër objektivit evropian prej 45%), duke e bërë edhe më të vështirë harmonizimin e punës dhe familjes.

Megjithatë, edhe Italia Veriore nuk arrin nivele optimale.

Në krye të renditjes, Provinca Autonome e Trentos konfirmon kryesimin e saj, me një rezultat 67.3, e ndjekur nga Friuli-Venecia-Xhulia (Venezia Giulia) me 64.9, nga Valle d'Aosta dhe Emilia-Romanjia (Romagna) me 63.6, të gjitha duke u përmirësuar në krahasim me vitin 2018.

Toskana, me një kërcim 3.6.

Situata është kritike për rajonet jugore: Siçilia (38.3), Kampania (39.4) dhe Kalabria (41.8) janë në vendet e fundit.

Pulia dhe Bazilikata (Basilicata) në vendin e 17 dhe 18 me rezultate 43 dhe 42.4.

Nëse të dhënat na kujtojnë se Italia nuk është një vend i bërë sipas masës për gratë dhe të miturit, ky botim thekson se nuk është as një vend i bërë sipas masës për baballarët, por është një vend i bërë sipas masës për burrat.

Raporti tregon se leja e atësisë dhe leja prindërore për baballarët mbeten të pashërbyer: e para është shumë e shkurtër, e dyta është e papaguar.

“Familjet e vërteta, të përbëra nga nëna që luftojnë për të pajtuar punën me jetën private, baballarë që dëshirojnë por nuk mund të jenë të pranishëm, djem dhe vajza pa shërbime thelbësore, mbeten jashtë”, thotë znj. Dina Taddia, këshilltare e deleguar e WeWorld.

Italia nuk po investon sa duhet për fëmijërinë dhe familjet, dhe ka nevojë për politika strukturore; jo për masa pikante, që nuk garantojnë mundësi të barabarta për gratë, vajzat dhe djemtë, duke filluar me akses të barabartë në shërbimet arsimore dhe shëndetësore dhe një angazhim konkret për të rishpërndarë punën e kujdesit.

Prezantimi i raportit ishte gjithashtu rast për t'iu dorëzuar përfaqësuesve institucionalë mbi 70000 nënshkrimet e mbledhura në change.org me peticionin e promovuar nga WeWord dhe “Mammedimerda” për rimodelimin e kalendarit të shkollës italiane.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit