ZBULOHET ARDHJA DHE IKJA E QELIZAVE KANCEROGJENE NË TRUP | ZBULIMI KONSIDEROHET ÇELËSI PËR TË GJETUR STRATEGJI TË REJA KUNDËR METASTAZAVE.

Milano, Itali | Para dhe mbrapa nga tumori origjinal në pjesë të tjera të trupit; mekanizmi që qëndron në themel të ardhjes dhe ikjes së qelizave të sëmura që shkaktojnë metastaza, shkaku i 90% të vdekjeve nga kanceri është rindërtuar dhe tani bëhet e mundur të gjenden strategji të reja për t'i luftuar ato.

Rezultati, i botuar në revistën e Akademisë Kombëtare Amerikane të Shkencave, Pnas, është për shkak të studimit ndërkombëtar të koordinuar nga Universiteti i Milanos.

Studiuesit e udhëhequr nga z. Katerina (Caterina) La Porta dhe z. Stefano Zapperi përdorën një teknikë të re për të vëzhguar indet direkt brenda organizmit të gjallë, në vend që thjesht të analizonin qelizat e rritura në laborator.

Teknika, e njohur si mikroskopi intravitale multifotone, lejon që indet të studiohen në rezolucion të lartë edhe në plane të ndryshme, duke rindërtuar më pas pamjet e marra në 3D.

Të dhënat e mbledhura në këtë mënyrë tregojnë se qelizat e tumorit migrojnë në një mënyrë të lirshme, duke shfrytëzuar intersticat tashmë të pranishme në inde dhe duke lëvizur përpara dhe mbrapa nga tumori origjinal.

“Ne vëzhguam se si qelizat e shtyjnë rrugën e tyre nëpër inde, duke i ngjeshur ato”, tha z. Zapperi.

“Një aspekt shumë interesant - shtoi znj. La Porta - është se migrimi kolektiv i qelizave tumorale shfrytëzon rrugët e përdorura nga limfocitet T të sistemit tonë imunitar.

Në përgjithësi, rezultatet tona kontribuojnë në sqarimin e mekanizmave të migrimit të qelizave tumorale in vivo - përfundon studiuesi - dhe ofrojnë indikacione për zhvillimin e modeleve më realiste”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit