ZV/KRYEMINISTRJA E REPUBLIKËS SË SHQIPËRISË BELINDA BALLUKU: SKEMË E RE E SUBVENCIONIMIT TË UJIT ME ANË TË SË CILËS DO TË OFROHET MBËSHTETJE PËR ÇDO KATEGORI SHOQËRORE NË NEVOJË.

Tiranë, Shqipëri | Zëvendëskryeministrja Belinda Balluku, njëherësh ministre e Infrastrukturës dhe Energjisë, bëri të ditur se me mbështetjen e Bankës Botërore dhe SECO, qeveria shqiptare po modernizon sektorin e ujësjellës-kanalizimeve, nëpërmjet aplikimit të skemës së re të subvencionit të furnizimit me ujë.

“Nëpërmjet kësaj skeme - theksoi ajo - do të jetë qeveria që do të paguajë për këto shërbime për njerëzit që kanë vërtet nevojë, duke mbuluar deri në 5 m3 ujë në muaj”.

“Individët e kualifikuar përfshijnë prindërit në nevojë me më shumë se dy fëmijë të lindur në të njëjtën kohë, jetimët, familjet me të ardhura të pamjaftueshme dhe viktimat e trafikimit apo dhunës në familje.

Kjo skemë do të bëjë shërbimet e ujit të përballueshme për të gjithë, ndërsa do të stimulojë shoqëritë për të përmirësuar performancën e tyre.

Me këtë qasje, qeveria jep shembullin e potencialit transformues të një skeme të subvencionit të mirëkonceptuar”, tha zv/kryeministrja Balluku.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit